A COVA DOS SONS

Aquí irei deixando os programas semanais de "A Cova dos Sons" para todos aqueles que non o poidan escoitar todolos luns deste verán a partir das oito e media da tarde na Radio Valadouro.

- Primeiro programa, 11 de xullo do 2011

   Tema: 
                     - 1ª Parte: Voces Ceibes. Tratarase a época da Nova Canción Galega dos 60-70,
                                      tomando protagonismo a figura de Miro Casabella por ser un gran artista deste
                                      movemento nado no noso val. Falamos tanto da historia do nacemento deste
                                      movemento musical-social que tanto fixo pola cultura galega e tamén do
                                      desenvolvemento desta xeración de cantautores galegos que non tiveron
                                      nada fácil difundir as súas letras en liberdade.

                     - 2ª Parte: os dous grupos actuais deste programa serán Machina e Guezos. Os
                                     primeiros un grupo de Cerceda dificil de encaixar nun só estilo, polo que eles se
                                     autodenominan Post-Bravú; cun directo poderoso, que tamén da cabida o
                                     concepto máis orgánico cos seus concertos Desenchugados. Os segundos
                                     son un grupo ourensán nun estilo moi propio desta zona galega, un estilo de
                                     mestura de moitas tendencias tendo unha base moi importante no folk galego e
                                     introducindo pingas de reggae, ska, rock, etc.


     

- Segundo programa, 18 de xullo do 2011

  Tema: 
                 - 1ª Parte: este segundo programa tratará sobre o surxir do panorama máis rockeiro galego,
                                  cos grupos Goma 2 e NHU. Estes foron grupos que basearon o seu estilo no
                                  rock progresivo que se estaba a producir no resto do mundo, dando cabida
                                  os primeiros a pingas de folk coas súas gaitas e os segundos sendo un grupo
                                  máis psicodélico e de melodías máis vehemetes. Tamén prentaremos o grande
                                  cantante galego desta época, como foi Andrés do Barro, e ademáis escoitaremos
                                  un disco homenaxe a este gran artista galego, Manifesto Dobarrista.

                 - 2ª Parte: nesta segunda parte presentamos a dous grandes grupos galegos actuais, Nao
                                   e Os Cuchufellos. O primeiro é un grupo de A Estrada, podemos considerar
                                   o seu estilo unha mestura de rap e metal que foi dando paso a estrutura máis
                                   melódica coa paso do tempo, deixando atras o seu estilo maís rapcore (similar
                                   a grupos coma Rage Against The Machine); un resumo destes son o de letras
                                   poderosas mesturadas con melodías cañeiras. O segundo grupo é outro grupo
                                   ourensán (como a semana pasada) de Manzaneda, podemos dicir deste grupo
                                   que é un grupo moi festeiro que fai dos seu directos unha auténtica verbena na
                                   que da cabida a estilos como ska, o reggae, a rumba, en definitiva unha
                                   explosión festeira co fin de que todos brinquemos ó seu ritmo.



- Terceiro programa, 25 xullo do 2011


  Tema: 
                 - 1ª Parte: Segue neste tercerio programa a andaina deste programa, en canto a este toca
                                   falar dos principio do folk galego, eses primeiro grupos da musica tradicional
                                   máis actual. Faleremos das formación máis famosos destes inicios, serán
                                   Fuxan os ventos, a posterior escisión do anterior, A Quenlla, os famosísimos
                                   Milladoiro, e o grupo tal vez cunha presenza máis cercana a Mariña, DOA.


                  - 2ª Parte: Pasando xa á actualidade toca falar de dous grupos moi coñecidos, son Dios Ke
                                   Te Crew e Lamatumbá. Os primeiros son tal vez os precursores iniciais do hip
                                    hop en galego, creando o seu redor unha cultura propia e un xeito de facer as
                                    cousas moi propio. Os segundo son outro grupo máis ourensán, caracterizado
                                    tamén por esa mestizaxe de estilos, coma os de anteriores semanas; un gran
                                    grupo para a festa e a pachaga dos que fai bailar o público nun pé.
              


- Cuarto programa, 2 agosto do 2011

  Tema:
                   - 1ª Parte: Toca pois xa cambiar de década e ir camiñando a actualidade, neste programa
                                     falaremos da década dos 80 na que tantos grupos naceron en Galicia, algúns
                                     destes moi influintes na cultura musical galega, estes son Radio Océano,
                                     Siniestro Total e Os Resentidos; estes últimos uns verdadeiros precursores da
                                     música integramante en galego.

                   - 2ª Parte: Pasando xa á música máis actual presentamos a dous grupos de gran
                                     calidade, Kastomä e Roi Casal. De Kastomá podemos dicir que é un grupo
                                     de Ordes, cuna de grandes grupos, formado por 5 colegas que buscaban
                                     desconectar do día a día, facendo un rock moi enérxico cunha letras que falan
                                     dos temas do cotián. En canto a Roi Casal, xa falamos del en programas
                                     anteriores como membro de Milladoiro e fillo de Nando Casal, dicir que despois
                                     de buscar a súa carreira en solitario compuxo un formación de músicos de gran
                                     calidade que mesturan dunha xeito prodixioso a música máis tradición e o folk
                                     celta co pop e rock máis actual; creando un estilo propio apoiado sempre no
                                     seu virtuosismo coa arpa e na composición.




* Tivemos un pequeno fallo o principio do programa na que repetimos dúas cancións; é o que teñen os   programas feitos por aficionados. 

- Quinto programa, 8 agosto do 2011

   Tema:
                      - 1ª Parte: Neste programa pasaremos xa a falar do estoupar da música galega, os 90
                                        co nacemento do Bravú. Neste 5º programa falaremos de tres grupos moi
                                        coñecidos, como son os Yellow Pixoliñas, O Caiman do Río Tea e Os
                                        Diplomáticos de Monte Alto. Estes últimos para min un dos grupos abaderado
                                        deste movemento, sendo Xurxo Souto un dos principales creadores e
                                        impulsores de toda a demais cultura que rodeou a esta bomba musical e
                                        cultural que foi o Rock Bravú.

                      - 2ª Parte: Pasando xa á actualidade toca falar de dous bos grupos, os Ruxe Ruxe e
                                        Som do Galpom. Este primeiro, grupo considerado o máximo herdeiro do
                                        bravú dos noventa, é unha formación das máis dinámicas actuais, que
                                        axudan e colaboran en moitas facetas da cultura e da promoción da música
                                        galega (Vituco Neira, o cantante, é o presentador do Planeta Furancho);
                                        o seu estilo mestura moi ben o rock, o punk e o folk, facendo unhas cancións
                                        de moita calidade que mostan nun dos mellores directos do panorama
                                        musical actual. Os segundos son un grupo de Santiago que fan unha música
                                        analóxica sen empregar aparellos electrónicos dándolle un maior realismo
                                        as súas cancións, mostrando deste xeito un directo que non dista das súas
                                        grabacións que engaiola o público con ese estilo do funky-reggae-rap



  - Sexto programa, 15 agosto do 2011   

   Tema:
                     - 1ª Parte: Volvemos neste programa falar do rock bravú, tocalles a tres grandes 
                                       dos 90, os Papaqueixo, Rastreros e Skornabois. Estes últimos é un grupo
                                       de Vilanova de Lourenzá que foi un dos fundadores da famosa etiqueta 
                                       do Rock Bravú, por ser un grupo da zona e ademáis porque foron un 
                                       grupo que non tivo a acollida que merecía nesa época, aínda que
                                       actualidade é tomado como referencia por moitos artistas, é polo que 
                                       lle dedicaremos un longo tempo deste 6º Programa.
                   
                    - 2ª Parte: Pasando xa os día de hoxe, teremos a dous grandes grupos actuais, son
                                      Zenzar e Loretta Martin. Os primeiros son un grupo de Cerceda que gozan
                                      dunha gran historia xa, pois comezaron nos inicios dos 90, facendo un 
                                      punk rock que durante o paso dos anos foi collendo unha maior influencia
                                      rockeiro ademaís de gañar madurez nas súas letras. Os segundo son 
                                      un grupo coruñés que goza unha gran acollida no público galego, cun 
                                      estilo de rock con tintes de blues, tomando semellenza dos grupos 
                                      rockeiros dos 70-80.



- Séptimo programa, 22 agosto do 2011

  Tema:
                     - 1ª Parte: Chegando xa a este último programa da temporada de Radio Valadouro toca
                                       falar do remate desta época tan gloriosa no panorama musical galego como
                                       foi a do Bravú nos 90, toca falar logo de Xenreira e os inmortais Herdeiros
                                       da Crus.Os primeiros foi un grupo dos englobados totalmente na etiqueta de
                                       Rock Bravú co seu estilo de ska-punk combativo ou como eles se denominaban
                                       Rock Irmandiño; mentres que o segundo xa non son un grupo englobado neste
                                       movemento, aínda que si tivo a súa carreira músical dunha forma paralela a
                                       este, preferindo denominar ó seu estilo "jrunje jalejo" fuxindo da etiqueta do
                                       Rock Bravú que eles non consideraban súa.

                     - 2ª Parte: Xa para rematar con última esta segunda sección do programa, falamos de 3
                                       grupos de estilo moi diferentes actuais, Avante!, GalegoZ e Skacha. Os
                                       primeiros son un grupo de metal do Val de Loureda, que mostran un estilo
                                       moi influencia por Thin Lizzy cunhas guitarras moi poderosas. O segundo é un
                                       grupo cun estilo moi experimental, que mezcla as letras rapeadas, cunhas
                                       melodias que mesturan a perfección a música máis electrónica cos ritmos
                                       máis analóxicos. O terceiro e último é un grupo punk de Vigo que xa ten o
                                       lombo moitos anos de experiencia xa que naceu a principio dos 90, consta
                                       dun estilo moi propio do punk rock, pero coa inflluencia do harcore e do oi,
                                       ademáis de ter un temática que xira entre as letras máis socias e as historias
                                       máis cotiás.



Despedida momentánea

Con este 7º Programa remata a temporada desta "Cova dos Sons", espero que todos os que o escoitaron o pasaran ben durante un anaquiño disfrutando da música do país.

Este programa volverá "algún día", fecha sin confimar. Cando  os planetas se alineen e o tempo me de un respiro para volver a ese estudo no que pasei tan boas horas, como foi o de Radio Valadouro, a luz voltará a esa cova e volveranse a ouvir os sons da música de onte e hoxe nesa lingua tan fermosa que é o galego.

Diría o mestre: "3, 2, 1, Talojo amigos. PARTIU".

(Re)Volta da Cova dos Sons

Despois deste pequeno paro nas emisións de Radio Valadouro, volve A Cova dos Sons con dous programas que quedaron na recámara desta arma sonora. A emisión deste programa continua na nosa Radio as 18 horas do Luns e durante os sabados as 12 do mediodía, así prodedes volver a escooitar os programas repetidos da Cova dos Sons ademáis destes dous que engado agora no blog para que poidades disfrutar deles na rede.

- Oitavo programa da Cova dos Sons

Tema
                 - 1ª Parte: Volvemos a abrir as ondas para este programa para falar outra vez da historia
                                   musical deste país. Hoxe abandonamos o formato de falar dunha historia dividida 
                                   por décadas para pasar a falar dun acontecemento que marcou un antes e 
                                   despois na música galega. Falaremos logo do Xabarín Club, ese programa da 
                                   TVG que tanto aportou a normalización (lástima que todo cambiase) do galego.
                                   Polo tanto, nesta oitava Cova dos Sons falaremos da importante parte musical, 
                                   escoitando tanto moitas cancións dos CDs de "A Cantar con Xabarín" como 
                                   algún das pezas musicais dos innumerables videoclips que todos mirabamos a 
                                   escasos centimetros do televisor.

                 - 2ª Parte: Nesta segunda parte presentarémosvos como xa e habitual na dínámica deste 
                                   programa un par de grupos da actualidade.Gendebeat e Kogito, dous grandes
                                   grupos do panorama actual. O primeiro máis que grupo e un cantautor de ragga 
                                   e que fai un dos mellores beatbox de Galicia. No segundo estamos a falar dun
                                   grupo ska de Vigo, cunha calidade músical moi boa e con letras combativas.


 http://www.mediafire.com/?r7xk8zcs5b53art                     


- Noveno programa da Cova dos Sons

Tema
                 - 1ª Parte: Despois desta pequena  volta deste programa da Radio Valadouro, A Cova dos 
                                   Sons; volvemos pechar as portas a este espazo musical. Por iso o programa de 
                                   hoxe será un resumo da historia da música galega no idioma do país. 
                                   Comezando polas Voces Ceibes a finais dos 60 ata chegados os 90 co 
                                   Movemento Bravú, facendo un parada en importantes grupos coma Goma 2,
                                   Andrés do Barro, Fuxan os Ventos, Os Resentidos, entre outros moitos. Así 
                                   que todos aqueles que non escoitaron os anteriores programas, poden probar 
                                   neste un pequeno petisco da grandísima historia da musica do país.
                  
                 - 2ª Parte: Abrimos outra vez esta última parte deste programa para a presentarvos o 
                                   último grupo da actualidade dentro desta Cova dos Sons. Estamos a falar dos
                                   Deseqilibrio Mental, un grupo de Teo (vila con tamén moita vida musical) que 
                                   ten un estilo entre o rock e o metal, que canta baixo a melodía de dúas voces
                                   e que trata nas súas letras as realidades máis actuais, protestando sobre os 
                                   temas do cotián.                                 
                                                         



A DESPEDIDA

Esta vez sí, sen programas na recámara remata este programa A Cova dos Sons. Por falta de tempo e tamén por un fin deste formato de narración da historia vexo imposible a continuación deste programa con esta estrutura coa cal se estivo a funcionar durante este tempo. Por todo isto remata no seu noveno programa, pero sempre co orgullo de facer algo que levaba moito tempo con ganas de realizara. Digo despedida pero non un adeus definitivo, xa que aquí un continua coa ilusión de seguir cun programa de música do país e cando o tempo dea cabida a gravación de máis programas volveremos a Radio Valadouro, xa sexa compartindo o mismo nome con A Cova dos Sons 2.0 ou xa deixando de lado o nome ao par que se cambia o formato de realización deste espazo musical.

Por iso coma decía Terminator: "Voume, pero volverei", esta é a ameaza que plantexa A Cova dos Sons. Continuade a escoitar A Cova dos Sons, tanto cos programas repetidos na Radio Valadouro no 107.9 ou neste blog no que están colgados a totalidade dos programas.

Na honra do grande Aberto por Reforma (Pechado por censura) de Xurxo Souto e tamén do actual Planeta Furancho da Radio Galega Música (de luns a venres as 23:00) de Vituco Neira.

"3, 2, 1, Talojo amigos. PARTIU"

1 comentario:

  1. Menos mal que alguén lle fai unha pequena homenaxe á nosa música, grazas por colgar os programas de Radio Valadouro virannos ben para recordarnos do noso pobo mentres estamos exiliados de exames.

    ResponderEliminar